簡單。超好味道。意式海鮮飯
天氣濕濕寒寒，無咩胃口！就想到煮個酸酸甜甜的簡單意式海鮮飯做午餐！
材料就去街市買斤花甲皇，一隻花蟹，兩隻肉茄，一個洋蔥，兩蚊芫茜！所有材料切碎就攪掂！
還有雪櫃用剩的小半支白酒，幾粒蒜頭，約兩湯匙茄膏！
煮法
。順序爆香蒜頭碎，芫茜莖，洋蔥，蕃茄後，落花甲炒匀！
。落白酒浸過面，多一點也無問題，(因為落白飯後會好快吸收！)收中火，上蓋焗至花甲開口！
。倒入煮好的白飯，攪匀，灑上剩下的芫茜葉碎，葱碎及一隻辣椒切碎
。然後放入花蟹在飯面，淋點橄欖油上面，上蓋焗4—5分鐘就食得！
。放蟹時要留意白酒剩多少，太大火會燶底的，適量加入白酒及攪拌底部是必須注意！最好焗蟹時還是有白酒在飯面的水位，到焗好後開蓋攪拌一下就會收乾！
Search